Novas

Gandeiros de Cantabria coñecen de primeira man o modelo de produción galego nunha visita técnica organizada polo GO Rede Galega de Granxas Modelo 17 Outubro 2025 Entre o 7 e o 9 de outubro, o Grupo Operativo Granxas Modelo, a través da Fundación Juana de Vega, organizou unha visita técnica coa participación duns trinta gandeiros pertencentes á Indicación Geográfica Protegida (IGP) Carne de Cantabria. A comitiva desprazouse a Galicia co obxectivo de afondar no modelo produtivo galego e coñecer o funcionamento da IXP Ternera Gallega, a de maior volume de produción en España. Durante os tres días de duración da visita, os asistentes puideron coñecer de primeira man o sistema de trazabilidade da IXP Ternera Gallega, visitando explotacións nas que se explicou o proceso de identificación dos becerros e os requisitos para formar parte desta marca de calidade recoñecida a nivel estatal. A estadía coincidiu ademais coa celebración dunha xornada técnica en San Román de Cervantes, organizada polo propio Grupo Operativo. Neste encontro analizouse a situación actual do sector do vacún de carne e déronse a coñecer os resultados dos estudos de custos realizados no marco da Rede de Granxas Modelo. A visita incluíu tamén unha aproximación ao sector lácteo galego. Primeiro, cunha visita guiada á granxa ecolóxica Casa Grande de Xanceda, exemplo destacado de innovación e sostibilidade no rural galego. Despois, achegándose ao Centro de Investigacións Agrarias de Mabegondo (CIAM, Xunta de Galicia), onde puideron coñecer o labor investigador que se está a realizar en Galicia sobre este sector. Rubia Galega Outro dos puntos de interese foi a posta en valor da raza Rubia Galega, símbolo da identidade gandeira de Galicia. Neste sentido, o grupo realizou varias visitas a explotacións especializadas, entre as que destacou a Finca Villadangos, centrada na recría de animais de alto valor xenético desta raza autóctona. Completando o programa, os participantes tiveron ocasión de coñecer parte do patrimonio cultural galego con visitas á cidade de Santiago de Compostela e á aldea prerromana de Piornedo (Lugo), espazos que contribuíron a ofrecer unha visión máis ampla do territorio e da súa riqueza histórica e paisaxística. Suscríbete á nosa newsletter! Non perdas as novas sobre o proxecto de Rede de Granxas Modelo! Suscríbete á nosa newsletter cuatrimestral para estar ao tanto dos nosos avances. Cubre o seguinte formulario. Non puidemos validar a túa subscripción. Estás subscrito á newsletter do GO Rede Galega de Granxas Modelo! Lin e entendo o aviso legal, así como a política de privacidade e acepto recibir comunicacións nformativas e divulgativas do Grupo Operativo Rede de Granxas Modelo a través de email e mediante esta newsletter. ENVIAR

Un estudo da Fundación Juana de Vega evidencia a dependencia da PAC das explotacións de vacún de carne e a necesidade de mellorar a súa eficiencia produtiva 8 Outubro 2025 O Grupo Operativo Rede Galega de Granxas Modelo presentou esta mañá durante unha xornada técnica os resultados dun estudo de custos sobre o vacún de carne en Galicia en 2024, que achega unha visión actualizada sobre a situación económica destas explotacións e os retos de futuro. Este traballo forma parte das actividades do Grupo Operativo promovido pola Fundación Juana de Vega, o Consello Regulador das IXP Ternera Gallega e Vaca Galega-Boi Galego e a Cooperativa A Carqueixa, coa colaboración do Centro de Investigacións Agrarias de Mabegondo (CIAM), dependente da AGACAL. Un dos principais obxectivos deste proxecto é mellorar a capacitación dos responsables das explotacións e dos asesores técnicos, favorecendo unha xestión máis eficiente e, como resultado, unha maior rendibilidade e viabilidade das explotacións a longo prazo. O informe, realizado pola Fundación Juana de Vega, baséase na información subministrada en 2024 por 17 explotacións de vacas nutrices que forman parte da Rede Galega de Granxas Modelo. Os datos revelan un modelo produtivo de dimensións pequenas e medianas, cun rabaño tipo de 56 vacas nutrices, arredor de 60 hectáreas de base territorial, sustentadas fundamentalmente no traballo familiar e cunha dedicación equivalente 1,12 Unidades de Traballo Agrario (UTA)[1] por granxa. De media, estas explotacións comercializan 34 becerros ao ano, ao que hai que sumar as vendas de animais de desvelle e para a vida, acadando unha produción de 10.460kg por gandería. Resultados económicos O estudo revela que en 2024 os custos ou gastos medios dunha explotación de vacún de carne ascenden a 85.950 euros anuais, incluíndo neles o salario dos titulares como traballadores; mentres que os ingresos alcanzan os 88.615 euros. Isto deixa unha marxe media de beneficio, a maiores do salario, de 2.665 euros ao ano. Traducido a quilos de carne, o custo de produción sitúase en 8,22€/kg, fronte a uns ingresos de 8,47€/kg, o que deixa unha marxe mínima de 0,25€/kg. Se se analiza a renda dispoñible, é dicir, o importe que quedaría para as persoas propietarias se non se imputase dentro dos gastos o seu salario, a cifra ascende a uns 29.400 euros anuais por explotación. Dentro da estrutura de gastos, a alimentación é a principal partida, cunha media de 33.193 euros por explotación, o que representa case o 39% do total. Séguelle a retribución imputada ao traballo das persoas propietarias (31,1%), calculada tomando como referencia 1,5 veces o salario mínimo interprofesional. As amortizacións supoñen un 8,4% dos custos e os arrendamentos de terras e instalacións, arredor dun 6%. O resto distribúese entre conceptos como sanidade e reprodución, seguros, tributos, gastos financeiros e outras partidas menores. Pola banda dos ingresos, a maior parte procede da venda de animais (67,4% do total), principalmente becerros, vacas de desvelle e animais para vida. O resto corresponde ás subvencións públicas, que representan o 34,2% dos ingresos, cun peso moi destacado das axudas recorrentes da

O Grupo Operativo Rede de Granxas Modelo foi seleccionado para participar nunha xornada nacional sobre gandería de precisión 24 Maio 2025 O Grupo Operativo Rede de Granxas Modelo foi unha das quince iniciativas seleccionadas a nivel nacional para participar na xornada da Rede PAC “Intercambio de experiencias entre Grupos Operativos e proxectos innovadores na temática de gandería de precisión”. O encontro tivo lugar no iHub A Vega Innova (Madrid) este mércores, 21 de maio todo o día. José Manuel Andrade Calvo, director da Fundación Juana de Vega, presentou este proxecto de dous anos 2024-2026 do que somos socios con xunto co Consello Regulador da Indicación Geográfica Protegida Ternera Gallega e a Cooperativa A Carqueixa, dos Ancares (Lugo). Colaboran no consorcio o Centro de Investigacións Agrarias de Mabegondo (CIAM) da Axencia Galega da Calidade Alimentaria ( Xunta de Galicia). O obxectivo principal do Grupo Operativo Rede de Granxas Modelo é, primeiro, caracterizar os modelos produtivos propios de Galicia nos sectores de vacún de leite, carne, ovino, caprino e avícola. Despois, proporcionarlle aos gandeiros información adaptada ás súas necesidades para mellorar a eficiencia dos procesos produtivos e, por conseguinte, aumentar a rendibilidade económica das explotacións. Aprender dos demais A Rede PAC deseñou un ciclo de intercambios entre grupos operativos financiados pola AEI-Agri (Asociación Europea para a Innovación en materia de produtividade e sustentabilidade agrícolas, EIP-Agri, en inglés), proxectos innovadores, así como con outros axentes vinculados á innovación. Terán lugar entre maio e outubro de 2025 baixo diferentes temáticas de traballo para ofrecerlles aos beneficiarios unha plataforma na que aprender das experiencias, innovacións e mellores prácticas dos demais. Suscríbete á nosa newsletter! Non perdas as novas sobre o proxecto de Rede de Granxas Modelo! Suscríbete á nosa newsletter cuatrimestral para estar ao tanto dos nosos avances. Cubre o seguinte formulario. Non puidemos validar a túa subscripción. Estás subscrito á newsletter do GO Rede Galega de Granxas Modelo! Lin e entendo o aviso legal, así como a política de privacidade e acepto recibir comunicacións nformativas e divulgativas do Grupo Operativo Rede de Granxas Modelo a través de email e mediante esta newsletter. ENVIAR

O Grupo Operativo Rede Galega de Granxas Modelo calculará os custos medios de produción do vacún de carne para contribuir á correcta aplicación da Lei da Cadea Alimentaria e á mellora da xestión das explotacións 24 Outubro 2024 A Fundación Juana de Vega, o Consello Regulador das Carnes de Vacún de Galicia e a Cooperativa A Carqueixa, coa colaboración do Centro de Investigacións Agrarias de Mabegondo (CIAM), traballarán xuntos ata setembro de 2026 para definir un modelo produtivo típico no sector do vacún de carne galego. O obxectivo do denominado Grupo Operativo REDE GALEGA DE GRANXAS MODELO vai ser dobre. Por unha banda, determinar os costes de produción para que estes poidan servir para axudar ao cumprimento da Lei da Cadea Alimentaria, e pola outra, proporcionarlle información económica e financeira relevante aos gandeiros que lles permita mellorar a xestión das súas explotacións, favorecendo a súa viabilidade, sostibilidade e competitividade. O vacún de carne, destacan os promotores, é un sector clave para a economía rural galega, vinculado a indicacións de calidade diferenciada como as IXP Ternera Gallega ou Vaca Gallega e Buey Gallego, que ademais desempeña un papel fundamental na xestión do territorio e na prevención de incendios forestais. Con todo, na actualidade enfróntase a desafíos importantes en canto a remuda xeracional, estrutura e organización, especialmente se o comparamos con outros sectores máis profesionalizados e dimensionados como o do leite. Durante dous anos, o consorcio colaborará cunha vintena de granxas voluntarias repartidas pola comunidade para establecer este modelo de produción típico tendo en conta variables como tipoloxía, tamaño ou orientación. Desde a Fundación Juana de Vega destacan que o cálculo de custos de produción é básico para garantir a viabilidade económica de calquera explotación agrícola ou gandeira. Por isto, continúan, “é imprescindible contar cunha mostra de granxas que se asemellen ao modelo típico das existentes en Galicia, que fornezan información técnico e económica de xeito fiable e sostido no tempo”. Contexto Un dos principais desafíos dos produtores primarios é o escaso poder de negociación dentro da cadea alimentaria, conformada por unha ampla diversidade de axentes da produción, da transformación e da distribución. Esta heteroxeneidade condiciona o funcionamento e as relacións internas entre eles, que están tamén moi influenciadas pola volatilidade dos prezos pagados aos produtores, o elevado custo dos insumos ou a inestabilidade dos mercados internacionais no contexto xeopolítico actual, entre outros factores. En 2013 en España deuse un paso adiante coa aprobación da Lei da Cadea Alimentaria. O seu obxectivo era reducir o desequilibrio nas relacións comerciais entre os operadores, protexendo especialmente aos produtores, a parte máis débil, e evitar a venda a perdas. Malia esta necesidade, a realidade é que, na maioría dos casos, os produtores primarios seguen descoñecendo unha información básica que lles resta poder de negociación nos contratos e no caso das autoridades, capacidade de velar polo cumprimento da Lei da Cadea Alimentaria. É por isto que o Grupo Operativo REDE GALEGA DE GRANXAS MODELO pretende achegar unha solución práctica a este problema e contribuír á profesionalización